Pila ka mga hagna ang liwat nga igaduso sang Abang Lingkod Partylist sa karon nga nagdaog ini sa May 9 elections.
Sa interview sang Bombo Radyo kay Rep. Joseph Stephen Paduano, igadihon liwat ang charter sang Sugar Regulatory Administration bangud nanotisyahan nga may problema sa liderato sang ahensya kag sa ila nga implementing rules and regulations.
Suno diri, kinahanglan nga maamend ang charter sang SRA kag matutukan ang implementasyon sang Sugar Industry Development Act nga gin-author ni Bacolod City mayor-elect Albee Benitez.
Suno kay Paduano, kinahanglan nga maathag ang implementasyon sang SIDA Law bangud indi bilog nga budget santo sa layi ang ginapain sang Kongreso para diri kada tuig.
Isa man sa pinakaimportante nga hagna suno kay Paduano amo ang pagbangon sang Negros Island Region paagi sa legislation agud nga indi ini mahapos nga maabolish.
Magaistorya man ini kay Negros Occidental 1st District Rep. Gerardo Valmayor kag Mayor Macmac Dela Cruz angot sa hagna nga magatukod sang township sang Salvador Benedicto.
Suno diri, napasar na kuntani ang hagna angot sa township sang Salvador Benedicto sa pila na ka Kongreso apang indi ini makalusot sa Senado.
