Ginpanginwala ni Jorebel Datulayta sang Purok Pag-asa, Barangay Alijis, ciudad sang Bacolod nga siya ang nagapatay kay Joshua Torres sang Purok 4, Barangay 42 sa Bacolod City Government Center (BCGC) kagab-i.
Sa imbestigasyon sang Bacolod City Police Station 4, si Torres ang ginbuno sa atubang sang signage nga I LOVE BACOLOD apang nakadalagan pa ini padulong sa fountain kag didto na ini natumba.
Sa interview sang Bombo Radyo Bacolod kay Jorebel Datulayta, ginpanindugan sini nga nagpadulong siya sa BCGC agud nga pangitaon ang iya pakaisa agud nga maglagaw.
Suno diri, malayo ini sa lugar nga ginluntaran sang insidente kag indi man sini kilala ang biktima.
Pahayag ni Datulayta nga nakibot nalang ini nga siya ang gindakop sang mga kapulisan kag gindala sa Bacolod City Police Station 4.
Nagalaom man ini nga kuntani matumod sang mga pulis ang matuod gid nga nagbuno kay Torres.
