Nagdangat sa masobra P36 milyon ang cash assistance nga nahatag sa 7,234 beneficiaries sang Special Emergency Housing Assistance Program sang National Housing Authority (NHA).
ginpangunahan ni Negros Occidental Governor Eugenio Lacson ang pagpanagtag sang Special Emergency Housing Assistance Program sa Kabankalan City subong nga adlaw.
Ang nasambit nga ayuda sang NHA ang para sa mga nabiktima sang paglaslas sang Bagyo Odette kag ginpaagi sa provincial government.
Gintunga sa apat ka cluster ang programa kag ginpatigayon sa nagkalain-lain nga venue ang pagpanagtag sang ayuda.
Ang tagsa ka qualified nga mga beneficiaries ang nakabaton sang P5,000.
Sa masunod nga adlaw iban naman nga mga local government unit (LGU) ang mahatagan sang ayuda.
Madumduman nga subong ginpadayon ang pagpanghatag sang ayuda bangud sang mag-abot ang budget nagikan sa NHA, naabtan naman ini sang election banning.
Sa mensahe ni Negros Occidental Governor Eugenio Jose “Bong” Lacson, luyag sang mga ini nga sadto pa ipanagtag ang nasambit nga ayuda bangod ang pondo ang yara na sa provincial government apang naabtan sila sang election banning gani karun lang napadayon ang pagpanagtag sa mga qualified beneficiaries.
Suno kay Lacson si Kabankalan City Mayor man ang nagfollow-up sa provincial government nga unahon ang syudad sa paghatag sang ayuda nagikan sa NHA.
Ginpasiguro man sang gobernador nga ang tanan nga yara sa listahan ang mahatagan sang ayuda.
Ginpasalamatan man ni Lacson ang tanan nga nagfacilitate agud matigayon ang distribution sang ayuda sa syudad sang Kabankalan.
