Hugot na nga igapatuman sang Central Negros Electric Cooperative, Inc., ang one bill policy.
Sa interview sang Bombo Radyo Bacolod kay Maria Luisa Parroco, chief sang Coop Promotions Section sang CENECO, ginapatuman na nga daan ang one bill policy sang wala pa ang pandemya apang sang naapektuhan sang COVID-19 pandemic ang syudad nangin lenient ang CENECO bangud nakahangop man ang mga ini sa sitwasyon sang mga consumedor.
Suno kay Parroco, dapat gid man nga ipatuman ang one bill policy bangud isa ini ka layi kag mangin benepisyo man ini sa mga member consumers bangud isa lang ka bill ang ila nga intsindihon kag bayaran sangsa pabay-an nga magdamo ang bill kag mabudlayan na sa pagbayad tubtob nga mautdan sang kuryente.
Nagpanawagan man ini sa mga konsumidor nga isettle na ang ila mga accounts agud indi sila mautdan sang kuryente bangud istrikto na nila nga ipatuman ang one bill policy santo sa layi.
Suno diri may yara man sang massive disconnection bangud madamo pa sang mga konsumidor nga nagadoloble ang mga electric bills nga ila kinahanglan bayaran.
Suno kay Parroco dapat mabayran ang electric bill sa sulod sang siyam ka adlaw matapos nga gin-issue ang electric bill apang kun indi pa mabayaran sa ikanapulo ka adlaw magapadala ang CENECO sang notice of disconnection nga attached sa bill.
Hatagan sang 48 oras ang konsumidor agud magbayad apang kun indi makabayad utdan na ini sang connection sang kuryente.
