Nagapangayo sang pasaylo kag paghangop ang Corporate Communications and Public Affairs Officer sang National Grid Corporation of the Philippines Visayas bangud sa patigayunon nga malawig nga brownout sa Domingo, Hunyo 5.
Sa interview sang Bombo Radyo Bacolod kay Michelle Vicera, ang Central Negros Electric Cooperative (CENECO) kag Negros Occidental Electric Cooperative (NOCECO) ang apektado nga electric cooperative sang dose ka oras nga power interruption sa Domingo agud nga makapatigayon sila sang preventive maintenance.
Suno diri may yara sila sang patigayunon nga upgrading activities sa ila nga Bacolod substation kun sa diin nakaconnect ang CENECO Bacolod-Reclamation kag apektado man ang iya sang NGCP nga Bacolod-San Enrique nga linya.
Suno kay Vicera ang mga areas nga apektado sang 6 a.m. to 6 p.m. nga brownout sa CENECO amo ang Gonzaga, Reclamation, Sum-ag kag Lag-asan sub-stations.
Samtang ang sa idalom naman sang NOCECO apektado sang 6 a.m. to 6 p.m. nga brownout amo ang Valladolid, La Carlota kag San Enrique sub-stations.
Una naman nga ginpahayag sang CENECO nga hingalitan nila ang power interruption sang NGCP agud makapatigayon man sang simultaneous maintenance activities.
Suno kay Vicera, ang mga konsumidor sang NOCECO nga nakaconnect ang ila kuryente sa feeders sang NGCP nga nasakop sang upgrading activities, wala ang mga ini sang kuryente sa Domingo humalin sa alas 6:00 sa aga tubtob alas 6:00 sa gab-i.
Ginpahayag man sini nga kinahanglanon gid sang NGCP nga ishutdown ang affected areas samtang nagapatigayon sila sang upgrading sang transmission lines bangud bisan maayo ang distribution lines sang electric cooperative indi sa gihapon makalabay ang kuryente kun may problema ang transmission line sang NGCP.
