Nagapangayo sang pagpangamuyo kag pagsuporta ang Filipino professional boxer nga nagikan sa Bago City, Negros Occidental para sa hampang sini batok kay Jason Moloney, karun alas 10:00 ang takna sa aga, ora sa Pilipinas nga patigayunon sa Marvel Stadium sa pungsod Australia.
Sa interview sang Bombo Radyo Bacolod kay Aston Francis Palicte, nagpadulong ang ila team sa Australia sadtong June 01 para sa iya sa hampang.
Suno kay Palicte, kompyansa naman ini nga siya ang magadaog sa ila hampang bangud nagtraining ini sang maayo kag dako man ang pagsalig sini sa iya kaugalingon nga masarangan niya lutuson ang Australian Professional boxer.
Suno diri, ang hampang sini batok kay Moloney ang hinali lamang nga nag-abot bangud nagapreparar ini para sa ila hampang sa America sa bulan sang Hulyo.
Ginpahayag man sini nga nagapang-alang-alang ang manager sini bangud malip-ot lamang ang tinion agud nga makapreparar ini.
Siya man mismo ang nagpahayag nga masarangan sini lutuson ang kasumpong sini.
Ginkalipay man sini nga duha ka title ang natalana sini nga madag-an bangud sila ang magahampang para sa World Boxing Council (WBC) silver bantamweight title at World Boxing Organization (WBO) International bantamweight championship.Si Aston Palicte ay mayr record na 28 wins, 24 knock outs, 4 loss kag 1 draw.
