Ginpahayag sang provincial officer sang Philippine Drug Enforcement Agency (PDEA) Negros Occidental nga sa National Capital Region nagikan ang supply sang illegal nga druga nga nagasulod sa probinsya.
Suno kay Investigation Agent III Jyxyvzcky (Jiksivixy) Escrupolo, santo sa ila monitoring, sa NCR nagikan ang kalabanan sang mga supply sang nagliligad nila nga mga operasyon sa BREDCO Port kag Escalante.
Suno kay Escrupolo, ang illegal nga druga sa Escalante ang nagikan sa Metro Manila kag nag-agi sa Cebu samtang ang sa BREDCO Port ang nagikan man sa NCR kag nag-agi sa Roxas.
Suno diri, nagapangita ang mga durugista sang driversion kun diin sa ila pamatyagan makalusot ang ila mga shipments.
Wala naman nagauntat ang PDEA sa pagbantay sa mga seaport kag maritime port kasubong man ang Philippine Coastguard nga nagabantay sa mga coastal areas kag port.
Sa karun ginatutukan man sang PDEA ang mga drug dens agud malikawan ang paglapnag sang pagbaligya sang sachet sang druga sa mga kabarangayan.
