Ginalantaw sang presidente sang Bacolod City Public School Teachers Federation nga maayo ang ginlunsyar sang Department of Education nga long term plan matapos ang pandemya.
Sa interview sang Bombo Radyo Bacolod kay Richard Gelangre, ini ang sabat sa madugay na nga reklamo sang mga manunudlo nga sa tagsa maglain ang education secretary nagalain man ang plano para sa edukasyon.
Ang ginlunsyar nga long term education plan ang may yara sang duha ka phase ini ang ginalakipan sang 2022-2025 para sa phase 1 kag 2026-2030 sa phase 2.
Suno kay Gelangre, maayo ini nga tikang sang DepEd nga naglunsyar sang long term plan sa sulod sang walo katuig kag ini ang ipatuman sang madason nga education sectary.
Ginpahayag man sini nga santo sa iya nga nabasahan kabahin sang plano para sa 2022-2025 ang lab-uton ukon iclose ang learners education gap nga gintuga sang duha ka tuig nga modular learning bangud sa COVID-19 pandemic.
Suno kay Gelangre ini man ang tion agud nga I-assess sang mga manunudlo kun ano kadamo ang wala mahibaluan sang mga estudyante kag magdihon sang tikang kun paano ini maclose ang education gap.
Suno diri ini ang dako nga bulig sa mga estudyante apang dako ini nga pagpanghangkat sa mga manunudlo.
Nagalaom man ini nga sa idalom sang long term plan indi man pagpatam-an kadamo ang mga programa agud indi man mabudlayan ang mga manunudlo.
Nagpanugyan man ini nga magluwas sa paghimo sang tikang agud nga masirado ang learners education gap dapat man nga matudluan ang mga estudyante sang critical thinking agud nga mag-analyze sa mga impormasyon nga ila nabasa kag ginatun-an.
Ginalauman man sini nga pamatian sang bag-o nga education secretary ang mga suhestyon sang mga education experts agud nga mapasanyog pa ang edukasyon sa pungsod.
