Nagapakig-angot ang Philippine Drug Enforcement Agency (PDEA) sa probinsiya sang Negros Occidental sa mga punong barangay sa syudad sang Bacolod angot sa barangay drug clearing program.
Suno kay Investigation Agent III Jyxyvzcky (Jiksivixy) Escrupolo, wala pa sang nabaton nga letter of intent ang iya talatapan angot sa application sa pagpaidalom sa barangay drug clearing program.
Ginpahayag ni Escrupolo nga nagapadayon pa ang ginapatigayon sang mga barangay nga community-based drug rehabilitation program (CDRP).
Suno diri, ang Barangay 7 kag 41 ang nagapadayon pa ang ginapatigayon nga CDRP kag nagalaom sila nga kun matapos na ang mga ini good to go na para sa application sang drug clearing apisar pa nga may yara sang mga ginakonsiderar nga wala nakapaidalom sa CDRP bangud sa pila ka mga rason.
Sa syudad sang Bacolod ang PDEA ang may yara na sang nacleared nga 13 barangays samtang 48 naman ang uncleared barangays sa illegal nga druga.
Ang 13 ka drug cleared barangay sa syudad sang bacolod ang ginalakipan sang barangay 5; 11; 15; 17; 18; 23; 24; 25; 32; 33; 37; 38; kag Barangay Montevista.
Suno kay Escrupolo, closely monitored sang PDEA PNP kag DILG sa mga drug cleared barangay kun napabilin nila ang ila nga status.
Ginpahayag man sini nga ang masunod nga deliberation ang patigayunon sa bulan sang Hulyo agud makahatag sang ligwa sa pagbalhin sang administrasyon.
Nagalaom man ini nga mangin isa man sa prayoridad sang bag-o nga administrasyon ang pagtukod kag operasyon sang Balay Silangan agud nga mapadayon ang mga plano ilabi na ang anti-druig campaign sa pungsod.
