Pabor ang anay estudyante ni retired Prof. Clarita Carlos nga isa naman karon ka analyst nga siya ang ginpili ni President-Elect Ferdinand ‘Bongbong’ Marcos Jr. bilang incoming National Security Adviser.
Sa interview sang Bombo Radyo Bacolod kay Prof. Chester Cabalza nga security and foreign policy expert, madamo ang nalipay sa choice si Marcos kalakip na ang mga senador.
Suno diri, nangin estudyante ni Carlos ang pila ka mga senador kag mga analyst kalakip naman si Cabalza.
Bilang anay estudyante ni Carlos, ginlaragway ni Cabalza nga indi tuman ka terror ang incoming NSA apisar nga may mga feedback nagikan sa iban nga estudyante nga ini ang terror sa sulod sang classroom.
Suno kay Cabalza, mas angayan si Carlos bilang NSA sangsa mangin foreign affairs secretary kag makatrabaho man sini ang iban nga Cabinet secretaries.
Nagakaangay suno sa analyst nga nagikan sa academe ang NSA bangud ang mga retired generals nga nagserbe bilang NSA ang nagakuha pa sang nagikan sa academe bilang consultant.
Sa idalom ni Carlos, nagapati si Cabalza nga magamit sang Pilipinas ang smart power bilang strategic kag adacemic expert.
Si Carlos ang una nga female NSA kag ini ang historical bangud dominated sang lalaki ang nasambit nga posisyon.
Ini man ang una nga kahigayunan nga kilala ang NSA bangud sa kinaandan, indi mahilig magpainterview ukon covert ang national security adviser.
Bangud mas fluent kag palahambal si Carlos suno kay Cabalza, mas may dako ini nga impluwensya sa iban nga ahensya sang gobyerno nga concerned sa seguridad.
