Napremyuhan ang pagbaka-baka ni Stephen Curry nga makatipon sang 43 puntos matapos magdaog ang Golden State Warriors batok sa Boston Celtics sa Game 4 kag napatas ang serye sa 2-2 sa score nga 107097.
Bangud kinahanglan sang Warriors nga magdaog sa home arena sang Celtis kag malikawan ang 3-1 sa best-of-seven series, nagdeliver si Curry sang best performance sa iya nga career kag liwat nga mabuhi ang paglaom sang Golden State para sa seventh championship.
Sa kabug-usan, si Curry ang nakatipon sang 43 big points.
Ini bisan pa nga nag-agom si Curry sang foot injury sa Game 3 defeat sang Warriors sang Miyerkules.
Apang ginpamatud-an sang 34-anyos nga two-time NBA Most Valuable Player nga wala sang duda sa iya nga fitness sang gindala sini ang Golden State sa Game 5 balik sa San Francisco sa Martes sang aga.
Natapos ni Curry ang hampang nga may 43 points, 10 rebounds kag four assists.
Nagdugang si Klay Thompson sang 18 points para sa Warriors samtang si Andrew Wiggins ang nakatipon sang 17 points kag 16 rebounds.
Nagpanguna naman si Jayson Tatum sa Boston nga may yara sang 23 points samtang si Jaylen Brown ang nagtapos nga may 21 points, Marcus Smart nga may yar sang 18 points kag Derrick White nga may 16 points.
Suno kay Coach Leo Ceralbo nga principal man sang Mandalagan Elementary School, dalayawon ang performance ni Curry.
Suno kay Ceralbo, balantayan ang Game 5 sa Martes bangud crucial ini para sa GSW kag nagapati ini nga makadangat pa sa Game 7 ang finals.
Indi naman masiguro ang home court advantage bangud nakaagi man pierde ang Warriors sa ila home court kag napierde man subong ang Celtics sa ila home arena.
Nagapati naman ini nga indi ihaw ang mga officiating officials bangud normal lang sa tawo ang mga lapses.
