Aminado ang provincial veterinarian sa probinsya sang Negros Occidental nga may yara sang pagnubo sa supply sang manok sa pungsod Pilipinas bangud sa bird flu.
Sa interview sang Bombo Radyo Bacolod kay Dr. Renante Decena, may yara sang pagnubo sang supply sa pungsod Pilipinas apang ang probinsya sang Negros Occidental ang may yara sang nagakaigo nga supply sang manok.
Suno kay Decena, nagdiutay ang supply sang manok sa pungsod bangud sa bird flu.
Suno diri, apang sa probinsya sang Negros Occidental ang bastante ang supply sang manok kag ang average sa presyo sang manok ang 180 tubtob 240.00 kada kilo samtang sa syudad sang Bacolod ang naga average sang P215 tubtob P220.
Suno sa provincial veterinarian ang mga factors nga nagasaka ang presyo sang manok bangud pagsaka sang demand, pagsaka sa cost of transportation kag pagsaka sang labor bangud sa wage increase.
Suno kay Decena, ang probinsya sang Negros Occidental ang chicken eater kun sa diin nagakunsumo sang 70,000 ka manok kada adlaw ukon 1 million kada bulan kag kun may okasyon kaangay sang 2.5 tubtob 3 million kada bulan.
Samtang ginpahayag man sini nga ang sabor sang manok kaangay sang gin-asal ang nakadepende sa food technologist kag gindumilian man sini ang pagkuha sang supply sa iban nga lugar bangud man sa bird flu.
Gin-athag man sini nga mahimo makapagwa sang manok ang probinsya kag ipadala sang iban nga rehiyon apang dapat may yara ini sang National Meat Inspection Service (NMIS) permit kag negatibo nga resulta sang antigen test sang bird flu.
