Ginarespeto sang general manager sang Bacolod City Water District (BACIWA) ang pagpakighinun-anon sang 50 ka mga empleyado sang water district kay Mayor-elect Albee Benitez agud ipalab-ot ang ila mga concerns kag problema.
Madumduman nga nagfile sang motion for reconsideration ang BACIWA matapos nagpagwa sang desisyon ang Civil Service Commission nga ireinstate ang 59 ka mga empleyado nga ginpahalin sang tinalikdan nga tuig apang ang siyam ang nagbaton sang offer sang Prime Water.
Suno kay BACIWA General Manager Mona Dia Jardin, kinamatarong sang BACIWA Union of Employees ang pagpakigkita kay Benitez kag ila man kinamatarong ang pagpahibalo sang ila mga sentimento.
Sa bahin naman sang BACIWA, indi sila maghatag sang komento bangud ila pa ginahulat ang desisyon sang Civil Service Commission nga sa karun pending pa.
Gindugang man ni Jardin nga ila ginatinguhaan sa karun ang supply sang tubig kag nakighinun-anon na sila sang Prime Waters kag natapos na ang foundation sang water district.
Sa karun suno sa iya, nagapadayon pa ang plano sa tunga sang Prime Waters kag BACIWA.
Ila man ginahimuan sang pamaagi ang source sang tubig sa sur nga bahin sang ciudad.
