14 porsyento ukon kapin P700 million ang igabuhin sa annual budget sang Negros Occidental sa tuig 2023.
Suno kay Governor Eugenio Jose “Bong” Lacson, maganubo sang 14 percent ang internal revenue allotment sang probinsya sa masunod nga tuig ukon kapin P700 million.
Suno sa iya, makabig ini nga big time nga budget cut kag indi lamang Negros Occidental ang nagapangatubang sini kundi ang bilog nga Pilipinas.
Suno kay Lacson, sa karun yara na sila sa proseso sang pagpreparar para sa budget sa 2023 kag naalerto naman ang nagkalain-lain nga mga departamento sa nasambit nga scenario bangud una na nga nag-abiso ang Department of Budget and Management sa bilog nga pungsod.
Apektado man ang Maintenance and Other Operating Expenses (MOOE) nga amu ang ginakuhaan sang office supplies, travel allowance, gasolina, trainings, seminars kag iban pa.
Suno kay Lacson, dapat nga iimprobar ang local generated revenues sang probinsya.
