Nagtakop na kahapon ang klase sang kindergarten tubtub Senior High School para sa School Year 2021-2022.
Sa interview sang Bombo Radyo kay DepEd Region 6 public information officer Hernani Escullar Jr., magasugod naman sa Hunyo 27 ang limited face to face of end of school year rites ukon graduation rites.
Santo sa DepEd Memorandum No. 43 Series of 2020, may duha ka options ang mga eskwelahan para sa end of school year rites – nga ginalakipan sang limited in person, virtual ukon hybrid.
Suno kay Escullar, ang nasambit nga memorandum ang giya para sa mga eskwelahan apang kinahanglan nila nga magkonsulta sa LGU, schools division offices kag mga ginikanan kun luyag nila nga magconduct sang limited face to face end of school year rites.
Ang matambong sa limited in persin graduation rites ang masuksok sang face mask sa bilog nga event, magaobserbar sang one meter distance kag magapungko sa assigned seats.
Ginadiscourage man ang hand shakes.
Samtang, parents ukon isa lamang ka guardian ang allowed nga mag-upod sa estudyante.
Ginpasecure naman sang parent’s consent ang mga estudyante nga magaparticipate sa limited in person graduation.
Allowed naman ang tanan nga mga estudyante nga magtambong basta ginikanan ukon isa lang ka guardian ang iya kaupod.
Ang venue sang end of school year rites ang magadepende naman sa aprubahan sang LGU apang kalabanan, ini ang ginapatigayon sa school quadrangle ukon covered gym.
