Kabug-usan nga 27 ka anay nga mga rebelde ang nakabaton sang financial assistance nagikan sa Department of the Interior and Local Government kag sa Provincial Government sang Negros Occidental sa idalom sang Enhanced Comprehensive Local Integration Program ukon E-CLIP.
Ginpatigayon ang pagpanghatag sang financial assistance sa Negros Occidental provincial capitol sa syudad sang Bacolod.
Ang E-CLIP ang programa sang gobyerno nga may tinutuyo nga magbulig sa mga miyembro sang rebelde nga CPP-NPA-NDF kag Militia ng Bayan agud mapabalik ang ila nga loyalidad sa gobyerno liwat nga makabalik man sa komunidad.
25 ka mga former rebels ang nakabaton sang kabug-usan nga P660,000; duha ka former rebels ang nakabaton sang P71,000 financial assistance kag P39,000 bilang ila nga firearms remuneration.
Ang financial benefits ang pagagamiton sang mga ini kadungan sang pagbag-o sang ila kabuhi.
