Natigayon nga maraid sang mga otoridad ang gina-aligar nga plantasyon sang gina-aligar nga Marijuana sa Barangay Nataban sa San Carlos City, Negros Occidental sang Biyernes Hunyo 24, sang aga.
Sa interview sang Bombo Radyo Bacolod kay Police Lt. Roby Aurita, deputy chief of San Carlos City, ang mga nagkaladakpan ang ginkilalanga sanday Armando Quejado, 27 anyos kag Peter Loar, 30 anyos, lunsay mga residente sang Hacienda Handalago, Barangay Nataban, San Carlos City.
Suno kay Aurita, may yara sang nabaton nga impormasyon ang San Carlos City Police Station nga may yara sang nagatanom sang Marijuana sang nasambit nga Barangay.
Gilayon man nga ginmanduan ni Police Lt. Col. Jesus Mesajon, hepe sang San Carlos City Police Station ang intel operatives nga kompirmahon ang nabaton nga impormasyon.
Suno diri sang nagligad pa kuntani ikasa ang operasyon apang malain ang panahon kag madanlog ang lugar gani gin-isol nalamang sang Biyernes.
Suno sa deputy chief nakahibalo ang duha nga may yara sang ginabati-bati nga ginasurveillance sa ila Barangay nga nagatanum sang Marijuana apang wala nakahibalo ang mga ini nga sila ang ginapanilagan.
Natigayon nga mapanggabot sang mga otoridad ang 57 ka mga fully grown marijuana plants nga nagabug-at sang kapin duha ka kilo kag nabalor sang P240,000.
Ginakabig ang mga suspects nga lunsay mga street-level individuals.
Wala man nakahibalo ang amay sang isa sa mga suspetsado nga nagtanum ang bata sini sang marijuana bangud ang sulodlon ang gintamnan sini sa bahin sang ginaarenduhan nga duta sang iya nga ginatamnan sang mais.
Natigayon ang operasyon paagi sa joint operation sang San Carlos City Police Station, Regional Police Drugs Enforcement Unit-Western Visayas, Regional Intelligence Division-Western Visayas, 2nd Mobile Patrol Group, 605th Regional Mobile Force Battalion-Western Visayas, Negros Occidental Provincial Mobile Force Company kag sang Maritime Group.
Suno kay Aurita, santo sa ginpahayag sang mga suspects ang marijuana ang ila nga ginabaligya sa syudad sang Bacolod apang wala sang mga ini gintuad kun sa diin nga bahin sang syudad.
