Pabor ang presidente sang Bacolod City Public School Teachers Federation sa ginaduso sang incoming nga education secretary nga reviewhon ang K-12 education system.
Sa interview sang Bombo Radyo Bacolod kay Richard Gelangre, dapat nga reviewhon ang K-12 agud nga makita ang kakulangan sang programa kag mahimuan sang revision.
Suno kay Gelangre dapat nga mangin cautious bangud mahimo nga ang tikang nga himuon sini ang magaresulta sa unemployment sang mga manunudlo nga nagatudlo sa grade 11.
Dapat nga reviewhon ang K-12 agud mahibaluan ang tinutuyo kag para sa diin ang programa.
Suno diri dapat mangin kabahin man sang review ang para mahibaluan kun ang trabaho nga sang 2018 K-12 graduates ang santo man sa ila natapusan.
Suno kay Gelangre sa tion nga mareview na ang K-12 program ang dapat siguruhon nga ang programa para sa national industrialization sang pungsod.
Suno pa diri ang nasambit nga education program ang dapat patigayunon sa nation building sang Pilipinas agud nga malikawan ang brain drain ukon ang kakulang sang skilled workers.
