Four out of 10 ang grado nga igahatag sang General Alliance of Workers Association (GAWA) sa nangin performance ni former President Rodrigo Duterte sa anum ka tuig sini nga termino.
Sa interview sang Bombo Radyo kay GAWA Secretary General Wennie Sancho, kwatro ang ila grado kay Duterte kag indi ang nagapatimaan sang failure matapos sini nga ginveto ang Security Tenure Bill.
Suno kay Sancho, nagpromisa si Duterte nga untaton sini ang endo contractualization apang wala niya ini natuman.
Suno kay Sancho, daw kaangay nga naisahan sang anay Presidente ang labor sector.
Suno sa iya, sa idalum sang iya administrasyon, nadulaan sang palangabuhian ang mga mamumugon sa West Philippine Sea bangud wala sila ginpahanugutan sang mga Chinese nga makapangisda sa economic zone; kag madamo man nga mga inosente kag breadwinners sang ila pamilya ang nagkalamatay sa war on drugs.
Suno diri, nalakip sa failure sang Duterte administration amu nga wala gid sang legasiya nga ginbilin ang anay Presidente sa mga mamumugon kag wala man sang handumon sa pagpungko niya.
Suno sa secretary general, abi nila promiro nga pro-labor ini apang puro lamang siya hambal kag wala man ginatuman.
