Nakuha na sang pamilya ang bangkay sang miyembro sang NPA nga napatay sa engkwentro sa mga katapo sang 11th Infantry Battalion, Philippine Army, 705th Maneuver Company kag Sta. Catalina Municipal Police Station sang July 1 sa Sitio Tamusi, Brgy. Talalak, banwa sang Sta. Catalina.
Madumduman nga ang napatay ang ginkilala kay Cristanto Estrabela Lagradilla a.k.a Locsin, miyembro sang South East Front (Dismantled), Komiteng Rehiyon-Negros, Cebu, Bohol, Siquijor.
Sa interview sang Bombo Radyo Bacolod kay 1Lt. Rogem Pearl Lanuza, Civil Military Operation (CMO) sang 11th IB, nahimos na ang bangkay nin Estrabela kag ini ang nakuha na sang pamilya sa punerarya kag pagadal-on ini sa catholic church sang Sto. Tula-tulahan, Brgy. Nagbinlod, Sta. Catalina, Negros Oriental agud didto ihampanyang.
Suno kay Lanuza ang nagtumod sa identity sang biktima amo ang asawa sini kag mga paryente nga residente sang Tanjay City, Negros Oriental.
Suno pa diri luyag nila nga interviewhon liwat ang asawa sang biktima agud nga mahibaluan kun may yara pa sang miyembro sang ila pamilya ang nagapabilin sa grupo sang mga rebelde.
Nagpanawagan man si Lanuza sa mga naintuan kag nagapadayon nga nagapainto sang makawala nga grupo nga indi pa ulihi ang tanan para magsungka sa sabak sang gobyerno bangud handa ang gobyerno sa pagbaton sa ila kag maghatag sang bulig.
