Ginpatpat sang Chief sa Disaster Risk Reduction Management Division sang Office of the Civil Defense (OCD) Region 6 ang nahanungod sa selebrasyon sang rehiyon sa National Disaster Resilience Month subong nga bulan sang Hulyo.
Suno kay Ma. Aletha Nogra, importante para sa atun nga mga Pilipino nga pinaagi sa executive order no. 29 sang Hunyo 28, 2017 kun sa diin ginpirmahan ni former President Rodrigo Duterte ang pagbag-o sang anay National Disaster Consciousness Month sa karun nga National Disaster Resilience Month.
Pinaagi sini, ang anay disaster awareness ang nagshift na sa disaster resilience kag ini ang ginapatigayon pinaagi sa paghuman sang mga aktibidad agud makatukod sang pungsod nga may resilience batok sa bisan ano nga disasters nga naga-abot sa Pilipinas.
Panugyan ni Nogra nga dapat I-promote ang disaster resilience nga nagatumod sa ikasarang sang pumuluyo, kumunidad, organisasyon kag pungsod ngha maka-adopt kag makarecover gikan sa mga disaster pinaagi sa epektibo nga risk management.
Panawagan sini nga dapat I-obserbar sang tanan ang National Disaster Resilience Month sa bilog nga pungsod pinaagi sang mga aktibidad nga nakabase sa apat ka pillars nga nagahuman sang resiliency.
Ang four pillars ang ginalakipan sang disaster management and mitigation, disaster preparedness, diasaser response kag rehabilitation and recovery.
Ang mayor nga imbulbado sa selebrasyon ang tanan nga local government agencies nga katapo sang National Disaster Risk Reduction and Management Council (NDRRMC), samtang ang Office of the Civil Defense (OCD) amo ang executive arm kag secretary sang council.
Ginapanugyan sa mga Pilipino, pamilya, kumunidad, civil society organization kag public and private sector nga makigbahin.
Ang Theme subong nga tuig amo ang “Sambayanang Pilipino Nagkakaisa tungo sa katatagan at maunlad na kinabukasan”.
Ini ang nagapakita sang importansya sang kolaborasyon sang tanan nga Pilipino agud malampuwasan ang kabudlayan sa pandemic kag new normal, kag mapreparahan ang mga panibag-o nga mga disaster pinaagi sa pagtukod sang safer, adoptive kag disaster-resilient nga bwas damlag sang pungsod.
