Nakabaton na ang mga pamilya nga benepisyaryo sang Pantawid Pamilyang Pilipino Program sang P500 nga financial assistance sa idalom sang Targeted Cash Transfer Program nga ginapatuman sang Department of Social Welfare and Development.
Sa interview sang Bombo Radyo kay DSWD Region 6 spokesperson Atty. May Rago-Castillo, nacredit na sa mga cash card sang 4Ps beneficiaries sugod Hunyo 29 ang TCT nga P500 kada bulan.
Ang ginhatag sugod sang Hunyo 29 ang nagasakop sang Abril kag Mayo gani nagbaton ang 4Ps beneficiaries sang P1,000.
Sa Region 6, naglab-ot na sa 328, 450 ka households nga beneficiaries sang 4Ps ang nakabaton sang P500.
Sa idalom ang pagsulundan, ang sigurado nga benepisyaryo sang TCT amo ang 4Ps, nakabaton sang unconditional cash transfer sa idalom sang TRAIN Law, mga social pensioners bisan sila ang mag-asawa kag ang yara sa Listahanan sang DSWD.
Sa karon, wala pa sang schedule kun san-o ang distribution sang cash assistance para sa non-4Ps.
Sa Region 6, nagadangat sa 365, 908 ang indigent senior citizens nga social pensioners, samtang 223, 793 ang yara sa Listahanan sang ahensya.
