Ginalantaw nga magadugay sang apat ka bulan ang pagkakas sang wala na nagafunction nga kuryente sang mga telecommunication companies kag data service providers kadungan sang pagsugod sang Task Force on Spaghetti Wires sang trabaho subong nga Sabado.
Suno kay Bacolod City Councilor Al Victor Espino, nahibaluan sini kaina nga may nakasalawid nga motorista sa Dalan San Juan bangud halos masangyad na ang kable gani gin-una limpyo ang nasambit nga lugar.
Halin subong nga July 16, ginabanta nga magadugay sang 130 to 140 working days ang paglimpyo sa spaghetti wires sa public areas kag subdivisions.
Wala na untat ang trabaho sugod subong nga adlaw kun sa diin 500 linear meters ang malimpyuhan kada adlaw.
Bwas nga adlaw suno kay Espino, mahimo nga matapos na ang magtimbang nga bahin sang San Juan street.
Nag-upod man ang BTAO sa clearing operations agud indi maapektuhan ang dalagan sang trapiko.
Suno sa konsehal, gintabo nga Sabado ang pagsugod sang trabaho agud indi tuman kagutok ang trapiko.
Magadihon naman ang Sangguniang Panlungsod sang legislative action nga magainstitutionalize sang clearing sang spaghetti wires agud nga maeliminate ang problema sa palaabuton.
