Ginpahayag sang Civil-Military Operations Officer sang 15th Infantry Battalion nga ang nagluntad nga engkwentro sa tunga sang 15th kag 47th Infantry
Battalion kag sang Communist Party of the Philippines (CPP)-New People’s Army (NPA) sa Sitio Hanot, Barangay Inayawan, Cauayan, Negros Occidental ang
resulta man sang impormasyon nga ila nabaton nagikan sa nagsungka nga katapo man sang makawala nga grupo sa kapulisan sang banwa sang Cauayan sang
nakaligad nga bulan.
Sa interview sang Bombo Radyo Bacolod kay 2nd Lt. Weann Sandag, ang impormasyon ginhatag sang nagsungka nga anay miyembro
sang rebelde nga grupo sang tinalikdan nga bulan nga ginkilala kay Joselito Luwag Caoyan alyas RonRon nga residente sa banwa sang Hinoba-an.
Suno kay Sandag, si Caoyan ang naghatag sang impormasyon kun sa diin nagahukmong ang anay kaupdanan sini.
Suno diri, matapos mabaton ang impormasyon, ang tropa sang 15th IB kag 47th IB ang gilayon nga naglunsyar sang combat operation batok sa kapin 10 communist terrorists nga ginapangunahan ni alias Kumpol.
Suno pa diri ang ginluntaran sang engkwentro ang sa boundery sang Barangay Caliling kag Barangay Inayawan.
Matapos ang engkwentro ginbayaan sang mga rebelde ang ila nga hide-out nga napahamtang sa nasambit nga lugar.
Suno kay Sandag, wala sang casualties sa bahin sang tropa sang gobyerno apang ginatumod pa sa bahin sang NPA kun may yara sang casualties.
Narecover sa encounter site ang isa Cal. 45 pistol nga amagazine and ammunition;isa ka hand cap grenade; 50m electric wire; duha ka cellphones; isa ka charger sang Baofeng Radio, and a cellphone charger; medical paraphernalia; backpacks; food packs; personal belongings; Anti-personnel mine paraphernalia, kag subversive documents nga may high intelligence value.
Suno pa diri ang nasambit nga grupo ang katapo sang platoon tres, South Negros Front ang nakaengwentro sang tropa sang gobyerno.
Nagpanawagan man si Sandag sa mga nabilin pa nga NPA nga magsungka na bangud ang gobyerno ang nakahanda nga magbulig sa ila pagbag-o.
