Nagapati ang presidente sang Bacolod City Public School Teachers Federation kag ang principal sang Bacolod City National High School nga mas advantageous sa bahin sang mga ginikanan kun mag-uniform ang mga kabataan.
Kahapon, ginpahayag ni Department of Education Secretary kag Vice President Sara Duterte nga indi na mangin required ang pagsuksok sang uniporme sa mga public schools sa masunod nga school year.
Sa interview sang Bombo Radyo kay Richard Gelangre, nagapati ini nga kun nakasibilyan ang mga estudyante adlaw-adlaw, may posibilidad nga mahuya ang mga estudyante kun sulit-sulit kag indi manami ang ila mga bayo.
Suno sa iya, sa karun, apisar nga wala sang uniporme ang isa ka estudyante, nagahatag man sang konsiderasyon ang eskwelahan kag mga manunudlo kag ginapasulod sila gihapon.
Suno kay Gelangre, nagahatag man sang pila ka bulan nga ligwa ang mga buluthuan para sa mga Grade 1 kag Grade 7 nga makabakal sang uniporme kag ginapasulod lamang kun sila ang nakasibilyan.
Suhestiyon sini nga mas maayo kun maghatag na lamang sang school supplies, gadgets kag uniporme ang gobyerno sa mga kabataan kag diri mag-invest bangud ini ang kinahanglan sa karun.
Preparado naman ang mga manunudlo sa Bacolod nga sa pagbukas sang school year 2022-2023 sa Agosto 22.
