Indi kinahanglan sang Negros Occidental nga magdeklarar sang state of calamity apisar sang nagasaka nga kaso sang dengue.
Sa data sang Provincial Health Office, nagapanguna ang Negros Occidental sa may pinakamataas nga kaso sang dengue sa West Visayas humalin Enero 1 tubtob Hulyo 2.
Sa 5,057 ka mga kaso sang dengue kag 31 ka fatalities sa Region 6, 1,869 diri ang nagikan sa Negros Occidental samtang napulo naman ang nagkalamatay.
Suno kay Governor Eugenio Jose “Bong” Lacson, nakahinun-anon ini kay Provincial Health Officer Dr. Ernell Tumimbang kag may yara sang nagakaigo nga budget ang PHO para sa dengue.
Suno diri, may P3 million nga gin-alokar nga budget ang PHO para lamang sa nasambit nga balatian.
Indi man endemic ang dengue kag manageable ini suno kay Lacson gani wala sang rason kun ngaa magdeklarar sang state of calamity.
Nagpanugyan naman ang gobernador sang mga local government units nga magpain man sang budget para sa dengue kag maghimo sang mga tikang agud malikawan ang paglapta sang balatian.
