Walo ka mga personnel sang Negros Occidental Police Provincial Office (NOCPPO) ang ginsuspendi bangud sa less grave misconduct.
Suno kay Police Lt. Judesses Catalogo, acting public information officer sang NOCPPO, walo ka mga police personnel sang NOCPPO nga anay naka-assign sa Silay City Police Station ang suspendido sa sulod sang 50 ka adlaw humalin Hulyo 16 tubtob Setyembre 3.
Suno kay Catalogo, isa sa walo ka mga police personnel ang officer ukon may ranggo.
Sa karun naka-assign ang mga ini sa Police Regional Office (PRO) 6 kag nagapabilin nga suspendido.
Indi naman ang mga ini madismiss sa trabaho bangud suspension order lamang ang ginpagwa kag sila ang makabalik man sa ila mga assignment pagkatapos sang 50 ka adlaw.
Suno sa tagpamaba, 2019 pa ginfile ang kaso batok sa walo ka mga personnel may kaangtanan sa less grave misconduct kag indi naman pag-idisclose ang pangalan sang mga pulis bilang respeto sa ila privacy.
