67,843 na ang mga nakaparehistro sa mga kabanwahanan kag kaciudaran sa probinsya sang Negros Occidental kag 6,697 ang nakaparehistro sa syudad sang Bacolod halin sang nagresume ang registration sang Hulyo 4.
Suno kay Provicial Election Supervisor Atty. Ian Lee Ananoria, nagadamo naman ang nagaparehistro samtang nagahilapit ang deadline sa maabot nga Hulyo 23.
Madamo naman ang mga nagparehistro sa syudad sang Bago nga nagdangat sa 4,235, Kabankalan City nga may 3,951 kag Cadiz City nga may 3,492 samtang diutay naman ang nagparehistro sa banwa sang Candoni nga may 734; Pulupandan nga may 766 kag San Enrique 800.
Ginpaandaman ni Ananoria ang mga nagasaylo sang ila voter registration nga indi magbinutig agud malikawan nga mapasakaan sang kaso bangud sa election offense.
Suno kay Ananoria, dapat nga ang mga nagatransfer ang mangin honest bangud madamo na sang kaso nga ginpasaka sa korte suprema bangud sa election offense.
Suno kay Ananoria, nagabaton na sila sang pagsaylo sang voter registration santo sa bag-o nga resolution sang Commission on Elections (Comelec).
Ginpahayag man sini nga makabig nga election offense ang indi pagsugid sang matuod nga address.
Ang sin-o man nga mapamatud-an nga naggamit sang indi matuod nga address sa pagparehistro mahimo nga mapriso sang isa tubtob anum ka tuig kag wala sang pyansa.
