Ginpanginbulan sang regional director sang Police Regional Office 6 ang mga operatiba sang Regional Drug Enforcement Unit-6 kag Silay City Police Station matapos nga natigayon nga makompiskar ang masobra sa P7 million nga balor sang illegal nga druga.
Sa interview sang Bombo Radyo Bacolod kay Police Lt. Col. Arnel Solis, spokersperson sang police regional office 6, ginapanginbulahan gid ni Police Brigadier General Flynn Dongbo ang mga operatiba nga nagpatigayon sang buybust operation kun sa diin nakompiskar ang masobra P7.1 million nga balor sang suspected shabu ang narecover gikan sa duha ka mga sari-sari store owner nga subject sang drug buybust operation nga ginpatigayon sa Seaview, Barangay Guinhalaran, Silay City, Negros Occidental, Biyernes sang gab-i.
Ang mga suspetsado ang ginkilala kanday Razel Lyam Gamazan alyas Tomboy, 37 anyos kag Lennie Nava alyas Nene, 40 anyos lunsay mga sari-sari store owner kag residente sa Barangay Pasong Tamo, Tandang Sora, Quezon City.
Suno kay Solis mas maayo nga mga high value individuals ang ginatarget agud indi na madistribute sa street level indibiduals.
Suno sa spokersperson sang PRO-6, ang mga boss man sang ginakabig nga mga couriers ang nagahatag sa mga ini sang lugar nga ila padulungan.
Nagpanawagan man ini sa mga pumuluyo nga kun may yara sang nakita nga mga indibidwal nga nagaengaged sa illegal nga druga, ireport gilayon sa mga otoridad agud nga matapna na ang illegal nga aktibidad.
