Dismayado ang General Alliance of Workers Association nga wala mamentionar ang labor sector kag kaayuhan sang mga mamumugon sa State of the Nation Address (SONA) ni President Ferdinand Marcos Jr. sang Lunes.
Suno kay GAWA Secretary General Wennie Sancho, ginakasubo sini nga wala gid ginmentionar sang Presidente ang labor sector, nga santo sa Konstitusyon, amu ang social primary economic force sang pungsod.
Suno sa iya, wala man namentionar ang tuhoy sa endo ukon contractualization, ang security of tenure bill nga ginveto ni former President Rodrigo Duterte kag ang plight sang mga mamumugon tuhoy sa national minimum wage.
Suno kay Sancho, nalipatan ni Marcos nga ang mga mamumugon amu ang backbone sang nasyon kag indi makapadayon ang ekonomiya kun wala sang kooperasyon sang mga trabahante.
Suno diri, indi dapat pag-iunderstimate ang gahom sang working clan bangud tanan nga projections sang Presidente ang indi mamaterialize kun wala ang kooperasyon kag suporta sang labor sector.
Suno sa GAWA secretary general, tatlo lamang ka butang ang ginapangayo sang mga mamumugon kag ini ang pagkaon sa lamesa, bayo kag puluy-an nga maistaran.// Suno sa iya, ang indi pagsapak sa plight sang mga mamumugon sang SONA ang nagapakita nga sila ang ginatake for granted.
