Aminado ang provincial energy consultant sang Negros Occidental nga dako nga issue para sa mga proponents sang renewable energy sa probinsya ang 300-megawatt liquefied natural gas combined cycle power plant project nga ginapropose sang Reliance Energy Development Inc. sa San Carlos economic zone.
Sa interview sang Bombo Radyo kay Rafael Coscolluela, nagsugod ang proposal bilang coal-fired power plant apang bangud nagpatuman ang Department of Energy sang moratorium sa coal-fired power plant, nagkambyo ang investor sa liquefied natural gas bangud ini ang cleanest kag most promising sa mga options sa fossil fuel.
Ang LNG ang igaimport man nagikan sa luwas sang pungsod bangud ang source sang LNG sa Malampaya ang limitado lamang.
Halin sa luwas sang pungsod, ihapit ini sa Batangas agud nga maliquify antes dal-on sa ciudad sang San Carlos gani madugangan ang cost.
Sa karon, nagasaka ang presyo sang LNG bangud limitado na ang sources kaangay sang sa Europe.
Bangud sang demand sa LNG, may investors nga nagapatindog sang LNG plants sa iban nga bahin sang kalibutan gani ginalauman nga magasaka ang supply apang magaimport gihapon ang Pilipinas.
May cost naman sa pagliquify sang LNG bangud fuel ang ginagamit sa liquefaction.
Bilang means sa pagtransition sa renewable energy suno kay Coscolluela, LNG ang most logical option bangud ini ang cleanest.
Nagapahayag naman ang mga proponents sang renewable energy nga indi lang ini pag-ipatindog sa Negros Occidental bangud madamo na ang sources diri.
