Aminado si Rodolfo ‘Bebot’ Song, administrative officer sang Bacolod Traffic Authority Office, nga mas madamo sa karon ang e-bike sangsa nakaandan nga trisikad.
Ginabanta ni Song nga linibo na ang e-bike sa ciudad samtang amat-amat naman nga nagadiutay ang trisikad bangud mas mahapos ini sangsa ginasikaran bangud ini ang rechargeable.
Sadto pa man, gin-antisipar na ni Song ang pagdamo sang e-bike bangud maayo nga market ang Bacolod kag ini ang nangin matuod.
Ginapahanugutan naman sang una ang e-bike apang sa sulod lamang sang subdivision ukon interior streets kag sang ulihi, madamo na ang nagbakal.
Sa karon, ginagamit ini sang mga naganegosyo bangud wala ini sang permit ukon prangakisa nagikan sa city government samtang ang tricycle naman ang nagakinahanglan sang rehistro kag mas mahal ang bili sini.
