Preparado na ang pila ka mga National Highschools sa syudad sang Bacolod sa pag-umpisa sang Brigada Eskwela bwas nga adlaw, Agosto 1 tubtob Agosto 31.
Suno kay Herbert Tecson, officer in charge sa Luis Hervias National Highschool nga sadto ginapatigayon ang pagtinlo sang eskwelahan sa pag-umpisa na mismo sang klase gani nagakabuhat ang regular classes makaligad pa sang isa ka semana.
Bangod sini naghuman sang proyekto ang gobyerno kun sa diin ang kumunidad, stake holders kag ginikanan ang makapartisipar kag maplastar ang mga buluthuan antes paman ang pag-umpisa sang klase.
Kalakip na diri ang pagpinta kag pagkay-o sang mga classrooms tubtob sa mga audio visuals.
Pahayag sini nga santo sa ginpatigayon nga environmental scanning, nakita sang mga ini nga ang prayoridad nila sa improvement program sang buluthuan ang pagtukod sang dugang nga washing area kag comfort room.
Ini bangod ginalauman na sang mga ini nga magadangat sa 1,728 ang mga enrollees subong nga School Year 2022-2023 sa eskwelahan.
Ginakinahanglan man sang mga ini sang dugang nga 1,300 ka mga arm chairs kag 31 ka mga teacher’s table.
Ginahingyo sang mga ini sa ila nga mga stakeholders kun makabulig agud nga maangkon ang mga prayoridad nga pasilidad kag equipments sa buluthuan.
Samtang naghuman naman sang mga komitiba sa Angela Gonzaga National High School para sa pagabuhaton nga Brigada Eskwala.
Suno kay Angelo Alba, manunudlo sa buluthuan, kaangay man nga hand washing facilities kag comfort room ang nagapanguna nga panginahanghlanon sang ila eskwelahan.
Dugang pa sini nga may isa ka classroom nga nagakinahanglan pa sang repairs sa ila eskwelahan matapos nga indi ang natumbahan sang kahoy sang nagluntad ang bagyo Odette.
Nagatap man ang mga ini sa mga stakeholders nga makigbahin sa Brigada Eskwela subong nga tuig.
Ang Angela Gonzaga National High School ang may student population nga 411.
Apisar nga gamay lang ang buluthuan, aminado si Alba nga ginakinahanglan gihapon nila ang suporta sang mga stakeholders.
Magluwas sa hand washing facility kag CR, kinahanglan man nila sang dugang nga pulungkuan bangod madamo sa ila nga mga wooden chairs ang haluson na nga makatungkad sa subong nga school year.
Panugyan man sini sa mga magabulig sa Brigada Eskwela nga kun mahimo magdala nalang sang mga cleaning tools kag iban pa nga equipment nga magamit sa pagpaninlo kag kun mahimo nga ini ang idonar nalang sa eskwelahan bangod aminado ini nga wala sila sang nagakaigo nga mga kagamitan.
