Nagakadapat lamang nga yara ang litrato ni anay Bacolod City Mayor Monico O. Puentevella sa photo gallery sang mga alkalde sa lobby sang New Government Center, suno kay Mayor Alfredo Benitez.
Kahapon, ginpatigayon ang unveiling sang picture frame ni Puentevella kag paghatag sa iya sang honor sa kontribusyon sini sa ciudad sang Bacolod.
Suno kay Benitez, tanan nga nangin alkalde sang Bacolod ang nagakadapat lamang nga may litrato sa photo gallery gani natingala ini ngaa wala diri ang iya ni Puentevella kasubong man ni Congressman Greg Gasataya nga nagserbi bilang acting mayor sa sulod sang tatlo ka bulan.
Suno sa iya, sila ang deserving nga hatagan sang litrato bangud sa ila serbisyo para sa ciudad.
Suno diri, ini ang nagarectify sang historical fact sang tanan nga nagserbi sa Bacolod City.
Ginpasalamatan naman ni Puentevella kag sa iya pamilya ang alkalde sa courtesy nga ginhatag sa iya.
Nagpasalig ini nga siya ang magapalab-ot sang suporta sa administrasyon ni Benitez.
