Nagpasalamat si anay Bacolod City Mayor Monico Puentevella nga makaligad ang siyam ka tuig, nasab-it na gid man ang portrait sini sa Bacolod City Government Center.
Suno kay Puentevella, ginakalipay sini kag iya mga kabataan kag mga apo kasubong man mga kaparyentehan nga nakasab-it na ang portrait sini sa Bacolod Government Center.
Suno sa anay alkalde, madugay na niya ginahulat nga masab-it ang portrait apang wala ini matigayon sa nakaligad nga administrasyon.
Suno diri, kaupod nga ginsab-it ang portrait ni Bacolod City Lone District Congressman kag sadto Vice Mayor Greg Gasataya nga nangin OIC Mayor sang syudad sang Bacolod sang nasuspend si Puentevella, apang wala gid nabutang sa gallery ang iya litrato.
Wala man ini nakaintindi kun ano nga klase sang panggobyerno nga may yara ang nakaligad nga administrasyon bangud wala gid ginsab-it ang iya portrait.
Nahuya man ini nga siya na mismo ang magsab-it gani tuman ang pagpasalamat sini sa bag-o nga alkalde bangud natigayon ang pagsab-it sang portrait sa sulod sang isa ka bulan.
Ginpahayag man sini nga may matuod nga pagbag-o sa syudad bangud madamo sang koneksyon sa national si Mayor Alfredo Benitez.
