Nagfile sang hagna sa Kongreso si Negros Occidental 4th District Representative Juliet Ferrer nga nagaduso sa postponement sang Barangay and Sangguniang Kabataan Elections nga natalana kuntani nga patigayunon sa Disyembre 5 sini nga tuig.
Suno kay Ferrer, sa idalum sang House Bill 121 nga iya ginfile sa Kamara, igapostpone ang Barangay and SK Elections sa Mayo 2023.
Suno sa iya, ini bangud bag-o gid lamang natapos ang Eleksyon kag indi nagakaigo nga maggasto nanaman sang binilyon ang pungsod.
Suno diri, bangud nga madamo nga mga kongresista ang nagfile sang kaangay nga bill, iconsolidate pa ini kag igadiscuss sa Committee on Suffrage and Electoral Reforms.
Gindugang man sini nga may yara man sang opposition ukon nagapamatok sa kaundan sang nasambit nga hagna.
