Gin-athag sang spokesperson sang Department of Social Welfare and Development (DSWD) regional office 6 nga regular ang ginapatigayon ang delisting sang Pantawid Pamilyang Pilipino Program (4Ps) beneficiaries.
Sa interview sang Bombo Radyo Bacolod kay Atty. May Rago-Castillo, ang delisting ang regular nga ginapatigayon para sa pag-update sang mga beneficiaries kasubong man ang compliance monitoring sang mga ini.
Apang gin-athag man ni Castillo nga ang delisting ang indi tuigan nga ginahimo.
Suno diri, antes naman nga kakason sang DSWD ang mga beneficiaries sa listahanan sang 4ps nga wala na sang kabataan nga nagaedad sang 0-18 anyos, ginasiguro anay sang ahensya nga indi na ang mga ini magbalik sa kapigaduhon bangud ang tinutuyo sang 4Ps ang mauntat ang sulit-sulit nga cycle sang kapigaduhon sang tagsa ka pamilya sa pungsod.
Samtang ang bata nga babayi nga wala pa nakalab-ot sa 18 anyos kag benepisyaryo sang nasambit nga programa nga nagbusong ang pagabuligan man sang DSWD personnel agud nga masiguro nga maayo ang kahimtangan sini kag iya nga mangin anak kag maprotesyunan ang panimalay kag indi dapat ini pagidiscriminate.
Sa karun santo sa data sang DSWD-6 nga as of June nga data may yara na sang 12949 ka mga beneficiaries ang nadelist.
Ginakabig naman sang ahensya nga positive outcome sang programa kun may yara sang pamilya ang nagboluntaryo nga magpakakas sa 4Ps bangud masarangan na nila nga mabuhi matapos ang pila ka tuig nga beneficiaries sang programa.
