Aminado ang informal settlers sa Purok Kagaycay, Barangay Barangay 2, Bacolod City nga dako nga bulig sa ila kun mahatagan sila sang city government sang kaugalingon nga balay sa relocation site apang dapat malapit na sa ila nga palangitan-an.
Sa interview sang Bombo Radyo Bacolod kay Gemma Miniosa, 22 anyos na nga nagapuyo sa higad sang dagat sa Barangay 2, maayo man ang ila nga pangabuhi kag palangitan-an bangud nagapangisda ang bana sini.
Ginpahayag man sini nga maayo man kun may yara sang relocation site nga para sa ila bangud ang ginatindugan sang ila balay ang private property.
Suno diri, kun marelocate man sila, kuntani malapit lang sa dagat agud malapit sa ila palangabuhian.
Pasalamatan man sang mga ini nga marelocate sila agud may yara na sila sang ila kaugalingon nga puluy-an kag indi na sila magkahangawa nga maguba ang ila ginatiniran sa tion nga may bagyo ukon pahalinon sang tag-iya sang duta.
