Gindeploy na sa nagkalain-lain nga sector sa syudad sang Bacolod ang 46 ka mga personnel nga bag-o lang ginrecruit sang Bacolod Traffic Authority Office (BTAO).
Sa interview sang Bombo Radyo Bacolod kay Rodolfo Song, administrative officer sang BTAO, ginpanginbulahan sini ang mga bag-o recruit nga personnel sang BTAO.
Suno kay Song, nagahimo sila sang tikang nga mangin manageable ang opisina sa idalom sang bag-o nga management sang BTAO sa pagpanguna ni Police Major Junji Liba, kag ginatinguhaan man nga mangin efficient sila sa pagpatuman sang nagaexist nga traffic ordinance sang ciudad.
Agud nga mangin efficient ang mga traffic enforcers sa syudad sa pagpatuman sang traffic ordinance, may yara sila sang ginapatigayon nga series of seminars depende sa resulta sang exam nga ginkuha sang mga ini.
Ginapatigayon ang screening sa mga traffic officers bilang sabat sa panawagan sang bag-o nga administrasyon nga pagbag-o.
Aminado man si Song nga indi man nila maperpekto ang pagpadalagan sa nagadeliher sang trapiko sang syudad gani ginatinguhaan nila nga maimprove ini.
Ang mga gindeploy nga mga traffic enforcers ang may yara sang supervisor nga mga kapulisan nga regular employee sang Bacolod City Police Office.
