Nagpadulong sanday Bacolod City Mayor Alfredo Benitez kag ang mga department heads sa isla sang Boracay para sa tatlo ka adlaw nga strategic planning kag budgeting workshop halin Agusto 3 tubtub Agusto 5.
Suno kay Bacolod City Administrator Atty. Pacifico Maghari nga amo man ang gindesignate ni Benitez bilang acting mayor sa sulod sang tatlo ka adlaw, ang official trip sang alkalde kag sang mga department heads ang bilang kabahin sang strategic planning sang ciudad kun sa diin lantawon ang over-all operations sang city government kag tinguhaan ang efficient nga budgeting system kag madeliver ang nagakaigo nga serbisyo.
Bangud on official trip ang mga natungdan, sabat sang city government ang gasto para diri.
Suno kay Maghari, mabalik ang alkalde sa Sabado bangud magasapol sila sa mga market representatives angot sa rehabilitasyon sang merkado publiko.
