32 ka applicant nga mangin botante sang Bacolod, wala nakapasar sa Election Registration Board hearing

32 ka mga nag-apply agud nga magparehistro para sa barangay kag SK elections ang nadisqualify Election Registration Board (ERB) hearing sang Commission on Elections Bacolod bangud wala ang mga ini nagapuyo sa ginsaad nga place of residency sa ila nga application form.

Sa interview sang Bombo Radyo Bacolod kay Bacolod City Election Officer Atty. Katrina Trinio-Cana, 10,293 ang nag-apply para nga magparehistro agud magboto, apang 44 diri ang ginquestion kag 32 ang nadisqualify.

Suno kay Caña, mahimo pa man ma-appeal ang mga natungdan kag magfile sang petition for inclusion sa korte.

Wala pa mahibaluan sa karun kun pila gid ang registered voters sa Bacolod bangud nagapadayon pa ang validation sang COMELEC sang mga applicants.