Ginpatpat man sang presidente sang United Sugar Producers Federation (UNIFED) ang pagtumod sang presyo sang kalamay nga igabaklon sang mga traders.
Sa interview sang Bombo Radyo Bacolod kay Manuel Lamata, ginatipon sang mga planters ang quedan ukon ang resibo nga nagapamatuod nga may yara ini sang kalamay sa bodega sang sugar central.
Suno kay Lamata, ginatipon nila ang ila nga quedan sa sulod sang pito ka adlaw kag ginaendorso sa asosasyon.
Sa tion nga maendorso na ini may yara sang patigayunon nga bidding para sa sugar traders agud nga matumod ang presyo sang kalamay nga pagabaklon sang mga ini.
Suno kay Lamata kun sin-o ang highest bidder siya man ang magadaog sa bidding kag magabakal sang kalamay.
Mahimo man nga ang sugar planters ang magawithdraw sang kalamay sa central santo sa bags nga nakasaad sa quedan kag ang planter mismo ang magbaligya sang kalamay sa merkado.
