Tumuron pa sang natungdan nga mga ahensya sang gobyerno kun legal nga gin-import ukon ginsmuggle ang sinako nga kalamay nga nasapwan sa warehouse sa New Public Market sa San Fernando City, Pampanga kaina.
Sa interview sang Bombo Radyo kay Atty. Guillermo Tejida III, deputy administator for regulation sang Sugar Regulatory Administration, ginpatigayon ang raid kagab-i kag kaina ginkadtuan sang SRA, BOC, DTI, CIDG agud iverify ang kalamay.
Suno kay Tejida, subject for verification ang kalamay kun ini ang imported.
120 ka sako sang kalamay nga yara sa bodega ang imported kag may yara man sang locally produced.
Santo sa record sang SRA, wala sang registration documents sa SRA ang bodega kag ang tag-iya ang indi man registered sa ahensya bilang licensed international trader.
Suno kay Tejida, nakadepende pa lang sa labelling ang pagdeterminar sang BOC kun imported ang kalamay apang ini ang ipaidalom sang SRA sa laboratory analysis kun sa diin ini halin.
Magahimo naman sila sang report sa pagpanguna sang BOC nga igapresentar sa national officials.
