Isa pa gid ka bodega sa Bulacan ang ginraid sang Bureau of Customs kag sang Sugar Regulatory Administration kaina sang udto.
Suno sa mga opisyales sang DTI kag DA, 40, 000 tubtub 42,000 ka sako sang kalamay ang nahamtang sa bodega sa Bulacan.
Sa interview sang Bombo Radyo kay Atty. Guillermo Tejida III, deputy administator for regulation sang Sugar Regulatory Administration, nationwide ang operasyon sang BOC kag indi lamang sa Luzon.
Suno diri, ang kalamay ang madeterminar nga imported ukon smuggled kun matapos na ang laboratory analysis.
Hatagan naman sang tsansa ang tag-iya sang bodega ukon ang nagatago sang kalamay nga makapaathag ukon makapakita sang papeles nga legal ang ila operasyon.
Tuyo sang raid nga lantawon kun registered ang bodega ukon international sugar trader ukon ini ang participant sang sugar import program sang SRA.
Kun indi ini participant suno kay Tejida, ini ang bayolasyon sa pertinent rules sang ahensya.
May nagakaigo naman nga procedure nga pagasundon agud nga mahatagan sang due process ang tag-iya sang kalamay.
