Nagpatigayon sang courtesy visit ang tumandok sa syudad sang Bacolod nga nangin gold, silver kag bronze medalist sa Inworld Police and Fire Games 2022 sa Ratterdam, Netherlands.
Sa interview sang Bombo Radyo kay P/Master Sgt Jan Vincent Aguda Dela Pena, 35 anyos katapo sang Aviation Security Group sang Philippine National Police (PNP), ginpahayag sini nga siya ang tumandok sa Bacolod kag naggradwar sa Elementary sa Rizal Elementary School.
Apang nagsaylo naman ang pamilya sini sa Cebu, tubtob sa siya ang nag-eskwela agud mangin pulis sa Manila.
Apisar nga malawig na ini nga naghalin sa Bacolod, wala gihapon sini ginakalimtan ang iya nga ginhalinan gani siya ang nagpatigayon sang courtesy visit matapos nga magdaog sa kompetisyon.
Pahayag sini nga 11 sila tanan nga nagcompete gikan sa Pilipinas samtang si P/Executive Master Sgt Junel Perania gikan sa Police Regional Office 6 (PRO 6) headquarters ang nagserbe nila nga coach.
Siya ang nakadaog sang gold medal sa individual kata nga may 35 above age category; silver medal sa 35 above age category minus 85kg kag bronze medal sa team all black belt 35 above age category.
Pahayag ni Dela Pena nga siya ang nakasulod sa Team PNP humalin sang 2013 apang nag-umpisa ini nga makacompete sa luwas sang pungsod sang 2019 sa China kun sa diin siya ang nakakuha sang duha ka gold medal.
Nagalaom naman ini nga siya ang makabatun sang financial support sa masunod nga tuig nga kompetisyon sa Canada.
