Kapin 1,300 ka mga police personnel ang gindeploy sang Police Regional Office 6 sa mga eskwelahan sa Western Visayas kadungan sang pagbukas sang klase kahapon.
Sa interview sang Bombo Radyo kay Police Lt. Col. Arnel Solis, tagpamaba sang PRO6, nangin matawhay kag malinong ang una nga adlaw sang School Year 2022-2023 kag wala sang insidente nga nareport.
Suno kay Solis, nagamonitor sila sa gihapon kag nagadeploy sang kapulisan.
Ginhatagan sini sang kredito ang mga traffic enforcers kag mga force multipliers nga nagasiguro sang kalinong kag katawhay ilabi na sa lakat sang trapiko.
Nagaapelar man si Solis sa mga ginikanan kag guardians nga updan ang ila mga kabataan sa pagpadulong sa eskwelahan, mga dalanon kag public areas agud masiguro nga sila ang safe.
Nagpanugyan man ini sa publiko nga mangin alerto kag vigilante kag kun may mga makaduluda nga aktibidad, ireport sa malapit nga police station.
