Ginakabig sang Bacolod City Health Office ang duha ka mga barangay sa syudad sang Bacolod nga hot spot areas matapos nga ini ang may pinakamadamo nga kaso sang dengue.
Santo sa data sang city health office ang Barangay Mansilingan kag Barangay Taculing ang duha nga ginakabig nga hot spot areas sa kaso sang dengue matapos nga nagasaka ang kaso sang balatian sa sulod sang apat ka sunod-sunod nga semana.
Nagdangat na sa 617 ang kaso sang dengue sa syudad nga ginalakipan sang Barangay Mansilingan nga may sang 73 cases; Estefania may 49; Taculing 48; Tangub 41; Singcang kag Villamonte may yara sang 39; Alijis 35; Sum-ag- 32; Mandalagan 31; Cabug kag Handumanan nga may 23 ka kaso sang dengue.
Ini ang 242.8 percent nga mas mataas kumparar sang nakaligad nga tuig nga 108 percent lamang kag may duha ka fatalities apang sa karun, nagdangat na sa siyam ang mga nagkalamatay bangud sa sa nasambit nga balatian.
Suno kay Punong Barangay Rodolfo Pico, may yara sila sang kabudlayan sa kampanya sa search and destroy bangud adlaw-adlaw man naga-ulan.
Suno kay Pico, nagabutang man sila sang larvicide sa mahimo pangitlugan sang mga lamok apang nagakaanod man ini bangud sa ulan.
Ginpahayag man sang punong barangay nga regulated man ang ginapatigayon nga fogging sang city health office.
Suno kay Pico, nagapadayon sa karun ang information dissemination campaign nila sa barangay angot sa dengue.
Nagpanugyan man ini sa mga pumuluyo nga magpakonsulta gilayon sa doctor kun nagahilanat na sang duha ka adlaw agud nga indi madalman sa balatian.
