Wala nalakip sa listahan sang mga drug personalities kasubong man nga wala sang rekord ukon complaint batok sa 22 anyos nga si Noel Palacios, ang suspetsado nga nakuhaan sang kapin P3.4 million nga balor sang illegal nga druga.
Sa interview sang Bombo Radyo kay Punong Barangay Bob Asan sang Barangay 3, indi ini pamilyar sa suspetsado nga residente sang ila nga barangay.
Suno diri, kilala sini ang iloy sang suspetsado bangod makapila ka beses na ini nga na-involve sa away-pamilya nga lunsay mga kaupod man sini sa isa ka compound.
Santo sa nabatian sang Punong Barangay, ang suspetsado ang ginapatihan nga nagaduso sang illegal nga druga, apang suno kay Asan, wala ini sang rekord nga imbulbado sa illegal drug activities.
Samtang, nagapadayon naman ang monitoring sang barangay officials sa Barangay 3 angot sa illegal nga druga kag nagapadayon man ang ila programa sa Community Based Drug Rehabilitation Program.
