Opisyal na nga nagpungko bilang officer-in-charge sang General Services Offices (GSO) sang syudad sang Bacolod ang empleyado man sang opisina kasunod sang pagbaton sini sang memorandum nga ginpapanaog sang city government.
Sa interview sang Bombo Radyo Bacolod kay Victor Emmanuel Espina, humalin sang 1998 nagaserbisyo na ini sa syudad sa idalom sang GSO.
Suno kay Espina, supply officer ini sang nasambit nga departamento antes pa man ini nangin officer-in-charge.
Aminado man ini nga dako nga pagpanghangkat ang pagpungko sini nga OIC sang GSO bangud ang nasambit nga departamento ang in charge sang tanan nga utilities sang syudad.
Suno kay Espina, humalin sang pagpungko sini sanguna sa GSO indi na magsanto ang mga data sang mga ini kag sang accounting apang ginasiguro sang mga ini nga tanan nga mga gamit sang syudad kaangay sang salakyan ang naaccount.
Suno diri ang 122 nga ginpahayag ni Luisma ang wala lang nakareport sang January 28 apang sang gintsekyar nakita nga 55 nalang kinahanglan nga iaccount kun sa diin personal nga ginakadtuan nila sa mga barangay kag kun sa diin man ini gin-issue.
Nagapangayo man ini sang kooperasyon nagikan sa mga personnel sang GSO bangud mabudlay ang pagpalakat sang isa ka departamento kun wala sang kooperasyon.
