Napulo ka kaso sang Hand, Foot and Mouth Disease (HFMD) ang narekord sa Barangay Handumanan, Bacolod City.
Sa interview sang Bombo Radyo Bacolod kay Dra. Dominic Francis Gumahin, in charge sa Barangay Health Center sang Barangay Handumanan, ginpahayag sini napulo ang kaso sang HFMD sa barangay apang humalin pa ini sang Disyembre nga mga pasyente.
Suno kay Gumahin, kahapon isa lang ka pasyente ang nagpakonsulta nga nagasuprer sang HFMD.
Suno diri, ang pagisip sang kaso sang nasambit nga balatian ang nakadepende kun san-o ang mga ini nagpakonsulta.
Suno pa sa doctor ang hand, foot and mouth disease (HFMD) ang nagaapekto sa mga nagaedad sang isa tubtob apat ka tuig kun sa diin ang mga ini ang makita sa Day Care ini kasunod sang report nga may yara sang walo ka kaso sang hand, foot, and mouth disease ang narecord sa Barangay.
Suno kay Dr. Gumahin, ang pasyente nga ginkonsulta sini kahapon nga ginpahayag nga nagasuprer sang hand, foot and mouth disease ang stable man ang kondisyon, mapagsik kag maayo man ang pagkaon sini magluwas lamang sang rashes sa kamot kag iban nga bahin sang lawas.
Suno diri ang mga narekord nga nagasuprer sang hand, foot and mouth disease nga mga kabataan ang lunsay na nag-ayo kag wala man ini sang ginrekomendar sang admission bangud stable man ang kondisyon sang mga kabataan kag wala man sang iban nga ginbatyag magluwas sa mga rashes sa bahin sang ila lawas.
